大漁屋台 (已結業)

黎黎去去食連鎖店，黎到德寶就食依間日本野餐廳細細間，係日本屋台feel，野食種類好多我地嗌左一個晚市定食（兩點刺身，壽司6件，紫菜湯烏冬），刺身係時令魚同甜蝦，魚魚好新鮮，甜蝦肥美厚肉。壽司每款一件，可以試唔同款好正！紫菜湯烏冬，烏冬彈牙。仲有沙律，蒸蛋，好夠飽。想食丼飯，嗌左人氣既屋台丼，見到細細板海膽真係心心眼😍海膽超鮮味，除左海膽，仲有七款刺身，每款都有兩件，剩係依個量$169絕對係超值價！平時覺得丼飯，飯多過餸，今次依個岩岩相反，大推大推。