雖然係叫做冰室，不過佢都幾有現代感既，佢既門面用色都幾鮮明，所以都同呢條横街有個強烈既對比
1
睇返個餐單，係咪好有特色呢，再睇真 d，佢係以前果 d 中小學寫字簿黎既添啊！都幾有 Feel 架！由於宜家 lunch 時間，呢度都有 d 午市套餐可以選擇返架
大家係咪對呢本簿好有回憶呢！
兩個人黎食，就咁每人叫一個午市套餐又好似爭少少咁，所以再另外叫左個 小食拼盤 大家又可以 share 食！
拼盤當中有呢個迷利西多士，我覺得都幾唔錯，因為佢炸得黎又唔油膩，而且好有口感，淋上一 d 糖醬一齊食，都幾好食，作為前菜小食，一流架
我就叫左呢個午市套餐之一既，鹽酥雞糖心滷蛋肉燥飯，份量正常，每項既比例都幾平均，佢既鹽酥雞就唔係雞粒，係雞扒黎既
肉燥既份量都幾多，雞扒雖然唔係好厚切，不過都算係大塊，如果唔鍾意食一 d 有汁既飯既朋友，呢個飯就岩曬了，因為如果整體黎講，都係比較乾身既
基本上每啖飯都可以食到肉燥既，但比起一般既滷肉飯，佢就比較乾身，不過味道係夠既，我最欣賞就係果半隻 糖心滷蛋，食落果陣真係好 Juicy，好有張力又好味架！
