小皇府 (MOKO新世紀廣場)

同媽媽去完花墟，諗住小皇府有粥粉麵飯、點心、小菜，儼如一間小酒樓，老人家一定啱食。

酥炸雲吞

賣相普通，一般雲吞大小，蝦肉彈牙，做餐前小食唔錯。

1

原隻花膠灌湯餃

懷舊灌湯餃的外型和餡料，加上原隻爽口花膠浸喺濃濃嘅上湯内，懷舊+新派，有特色。比起坊間的灌湯餃或花膠燉湯更吸引

松茸黑椒煎封門柳

牛柳外面煎得太乾，但裏面好林，黑椒味唔夠，反而松茸同配料吸收了醬汁，好入味。

古法生扣柚皮

媽媽話好耐冇食過柚皮，所以叫呢個餸。柚皮炆得好林，入口即溶，如果有埋蝦子，可以提升味道，更有懷舊感覺

薑汁千層糕

唔太甜，冇乜薑味，只想少少食飯後甜品都可以。