我地超期待呀，去到店內已經好興奮，因為周圍都係小丸子既裝修，有各個小丸子角色，好靚呀好有心思呀，仲有大大隻小丸子模型公仔可以影相！
小丸子饅魚飯，飯既份量夠多，饅魚汁混合魯肉汁，幾特別，欣賞啲饅魚大大舊，又多汁又幾肥美！
小玉南瓜海鮮魔法，有兩舊炸魚，外脆內軟，個南瓜內有龍蝦，幾有誠意，加埋好多配菜，有海帶有四色瓜，好豐富呀！
小丸子熱香餅，成個菜既畫面好靚，模仿小丸子去左海灘玩咁，一邊用藍吉士醬做海，一邊用木康做沙，草莓同香蕉就好似沙灘椅咁，成個構圖都好得意！
鍾意小丸子既朋友們，都可以黎食下野影下相呀！
