素來素往 (已結業)

自助餐形式，晚市158蚊一位都算好抵食！茶同汽水都喺雪櫃可以任攞，食物款式選擇都算多。例如前菜有沙律、手拍青瓜、涼拌粉絲薯粉、口水雞、皮蛋豆腐等；炸物包括豆腐、炸香蕉、煎釀三寶；主食有紅燒豆腐、苦瓜煎蛋、炒菜、關東煮、煎薄餅、滷肉飯，賽螃蟹、茶葉蛋亦有粟米羹、炒麵、炒飯、湯水同糙米飯。甜品有豆腐花、班蘭糕、南瓜布甸等。不過唔肯定啲款係咪會轉~試咗好多款唔同嘅食物，冇辦法逐個講。但係我最滿意係苦瓜煎蛋同埋炸香蕉 。我自己本身好鍾意食素，呢度唔可以話係最頂級最好食嘅，但係都對得住佢嘅價錢，所以都幾推介呢個地方 。