紅館 (海堤街)

「麻辣」呢兩個字，相信香港十個人有九個人都食過。但老套D講句，幾多人食過真正既麻辣？香港想食麻辣，90%以上都係食到辣而不麻既菜式，或者用化學調味料去煮既菜式。點解？快囉丶慳成本囉！所以，今時今日要係香港搵到麻辣菜式，的確唔係咁易！好彩既係，我搵到一間！

麻辣大波波魚蛋

$32

邊個話大魚蛋一定要入長洲食架？😍我係香港島就搵到一間超好食嘅麻辣小館，入面重有麻辣大魚蛋添😋

麻辣大波波魚蛋

$32

正宗麻辣煮法，又麻又香，絕對唔係出面靠調味料嘅假麻辣或者死辣🙅🏻‍♂️雖然置身於鰂魚涌嘅小巷入面，但真係識搵食嘅朋友自然識得搵上門

土匪雞翼

土匪雞翼呢家野，相信好多人都係因為食譚仔先開始食到。但係，譚仔雞翼雖然好食，但永遠都食唔到「麻丶辣」呢兩個字

土匪雞翼

呢道既土匪雞翼集齊左麻丶辣丶香既味道，而且雞翼每隻都大大隻，入面好多肉汁。加上臨上台之前再用火槍燒一燒，令到味道勁加香。最後忍唔住Encore左呢隻雞翼一次

紅油口水雞

$98

口水雞半隻，但係份量都好足下。麻香味好正~食落唔算話好辣，但係勁惹味。老老實實，一舊雞夠我食半碗白飯啦。

1

紅油口水雞

$98

啖啖雞都好厚肉，正！

1

羊肉湯麵

$59

食左咁耐，都係時候食番D澱粉質啦。
難得一樣唔辣既野食，就叫左個羊肉麵。麵既味道幾香，湯頭都算甜，係咁多道辣野之中真係特別。
羊肉岩我口味，有少少羶，但係好正！

水魚牛肉

$65

食到最後，忍唔到口要叫多道水煮牛肉

水魚牛肉

$65

水煮牛肉同魚肉其實好正，明明見到有勁多油同辣椒去煮，但係口味唔會覺得好重口味或者好辣好油膩。
每塊牛肉都充滿左香料既味道，麻辣得黎又唔會冇哂牛肉既香味。
牛肉本身煮得唔會過老，但係又入哂味，都幾考功夫架。牛肉有彈性，口味又正，都只係$65蚊咋救命。
呢個價錢加兩碗白飯，夠哂兩個人送飯啦！