見今晚唔煮飯，買左啲餸，翻熱就食得，係懶人褔音。
🔸阿木黑白切 $65
即豬肉臟，有約6款，如大腸、腰尺、黑血腸...食材本身已經煮到好淋，個人中意加埋醬油膏煮，加熱幾分鐘就食得。特別推薦糯米腸同黑血腸，索晒醬油汁，特別入口，拌飯食一流。
另會配辣椒醬，偏甜，配內臟味濃既黑白切都幾岩。
🔸高麗菜韭黃豬肉水餃 $88
一包16粒，唔使解凍煮8分鐘。就咁睇以為好細粒，點知煮完會漲大少少，皮有厚度，食落有口感。高麗菜同韭黃清甜，豬肉比例上，肥肉較瘦肉多。
🔸蚵仔煎 $55
台灣經典小食，底下仲有塊生菜，配埋甜辣醬，十足台灣街頭味道。成份表雖寫新鮮蚵仔，但可能經過急凍後，食落反而似乾貨蠔豉，蠔味濃縮啲。
定期有唔同代購活動，之前都試過係到訂蛋糕，感覺有埋地鋪，質素有一定保證。
歡迎 follow IG : fatsnow02，睇更多分享😆
