金御海鮮酒家 (恆豐中心)

今天10:20來喝茶，進門跟知客講「兩位」，對方回覆「入去揾侍應安排」，入到裡面發現前一半大堂張張檯都坐左人，裡面一半係吉既，揀左張4人檯正準備坐低，有侍應過來話「呢度唔坐得，一陣有團客。」，就無再理會我地。我再去找知客，中途有另一侍應截停我，指住入門口旁一張未鋪檯布細檯。無所謂，有檯就得。

之後卻又有侍應過來對我們講，這裏要擺放大檯，言下之意要我們走人。我話12點前會食完，才「保得住」張檯。

之後點點心都唔係好順利，又話呢個無（珍珠雞），又話個個無（蒸鳳爪）。期間，仲見到斜對面一個女食客同侍應話「已埋單，但要繼續坐因為有朋友12點黎，如果現在離開朋友就無位⋯」

諾大一個酒樓，為了做團客，得失不少本地客。就留給旅遊團吧，以後也不會來。