蟹仙海鮮私房．蒸氣石碢 (環海大廈)

尖沙咀天文台圍呢間海鮮真係蒸海鮮既天花板😋最緊要職員會幫你set時間睇緊火候，包保每一啖食入口的海鮮都係最滋味最鮮味的，真係食過返尋味！

聽職員講佢哋佢哋老闆做海鮮生意超過40年，入貨的海鮮新鮮又有保障。一開波就俾咗炮製得好入味嘅冬菇同埋鮑魚。食住店家秘製原隻南非鮑魚，開始蒸海鮮嘅戲肉。喺等待食蒸海鮮嘅時候都有美食落口。

加拿大野生海虎蝦，紐西蘭刀貝蚌，都係鮮甜滋味到不用點任何醬油！我最鍾意食蟹皇大元貝，濃郁嘅蟹黃加上鮮甜嘅元貝真係淡淡滋味！

菲律賓蟹肉都係好鮮甜，唔需要任何醬料，最後蒸海鮮煮成嘅粥底吸收晒所有精華，店員加上菜譜同蔥花，即使係食得好飽，亦都忍唔住要添多碗嚟食，最後甜品仲有椰汁燉雪燕，真係又滿足又好味嘅海鮮盛宴！