🐨QQ骨膠原 - 膠原豬王骨鍋
推薦度：⭐️⭐️⭐️⭐⭐
作為一間台式打邊爐專門店，佢有八款唔同湯底可以揀，小編就揀咗「QQ骨膠原 - 膠原豬王骨鍋」，湯底非常濃郁豬骨味重！！唔同食物都可以掛上湯底香濃惹味～～
.
🐨套餐肉類
推薦度：⭐️⭐️⭐️⭐⭐
套餐其實已經可以任食到澳洲M8純和牛 、北海道豚肉、特級牛舌、蘆筍和牛等不同肉類，上枱嘅時候都可以睇到唔同嘅肉類介紹，最緊要就係有埋最佳涮肉時間，咁就唔使擔心，因為煮過龍而影響鮮味啦～～和牛牛味非常之重，食落幼嫩多汁！！而日本北海道四元豚，同樣鮮嫩，但食落就相對比較彈牙。完全係可以滿足到唔同口感同肉質需要嘅朋友🐽🐮
.
🐨套餐海鮮
推薦度：⭐️⭐️⭐️⭐️
打邊爐梗係唔少得海鮮呢個配料啦！因為可以令到打邊爐成個湯底變得更加鮮味，套餐就已經包括咗鮮味大蜆、超鮮生蠔、大鼎鮮蝦等唔同海鮮！！！爽口鮑魚仔絕對係小編大推嘅嘢食，因為輕輕淥熟就已經鮮味十足，而且食落爽口易咬，唔會覺得好韌～
.
🐨甜品
推薦度：⭐️⭐️⭐️⭐️⭐
坊間普通嘅打邊爐舖頭，無論係甜品定或飲品都唔會有特別...但係呢一間就絕對要特別介紹啦🤣因為餐廳竟然有手作甜湯提供，聽聞仲要係將軍澳限定，最緊要係小編食到近期大熱嘅開心果綠綠糊，開心果味非常濃郁，佢做到香港人對甜品嘅標準就係少少甜，絕對為成餐飯帶嚟左個完美嘅句號～
.
🐨飲品
推薦度：⭐️⭐️⭐️⭐️
今次飲品就揀咗芒芝芒芝，芒果味同芝士味調配比例啱啱好，入口會飲到芝士味嘅濃稠小小鹹香味，接着就會大量芒果果汁嘅果甜味，打邊爐都有手搖飲，真係唔容易！！
