［配青木瓜沙律&椰汁冰（+$15）］
一大碟雞肉，份量十足！除左雞件嫩滑無骨，雞味好突出，配埋啲油飯，雖然偏乾身啲，但蘸醬又幾惹味👏🏻
✨蛋包虎蝦炒金邊粉套餐 $138+
［配冬蔭功湯&凍泰咖啡（+$5）］
賣相好吸引🤩金邊粉熱辣辣，乾濕啱啱好，但又唔油膩😯每條粉都好煙靱仲吸哂醬汁，食落夠鑊氣，啖啖都食到蛋香，好有層次感，虎蝦咬落有啲實身，食落未算最juicy
✨牛魔皇船麵套餐 $85+
［配青木瓜沙律&熱泰奶茶］
好足料！牛肉大大舊，咬落去超有肉感，食到好爽。炸豬皮亦都keep到脆口，唔會浸到淋哂👍🏻湯底飲落甜甜哋，唔會死鹹或膩。
✨炸蝦餅 $38+（跟餐優惠）
外層炸得酥脆，內裡蝦肉厚實，咬落有啲彈牙，唔會太油。價錢都算合理，當小食都ok！
✨芒果糯米飯 $38+（跟餐優惠）
私心推薦好抵食！整到心形既糯米飯好可愛！暖笠笠既糯米飯煙煙韌韌，椰汁啱啱好唔會太甜，芒果好鮮甜，成個組合食落好順口，超滿足！
3
