京都勝牛 (MONTEREY Place) (已結業)

將軍澳越來越多好嘢食，尋找好食物之今次嚟到將軍澳篇——「京都勝牛」店舖好光猛同座位坐得好闊落，一去到店員服務態度就好好似去咗日本食店嘅親切感！🔹京都勝牛三味套餐 有三款唔同嘅牛肉🥩口感，一次過滿足晒三個願望，店員主動提供埋一個煎Pan比我地，牛肉如果唔想食太過生嘅朋友可以自己用🥢煎Pan煎返熱同自己想要嘅熟度。🔸特選海產套餐呢款特選海產套餐真係好豐富，有兩大拿炸生蠔，兩大塊炸鰻魚，同埋一大隻炸蝦🍤你話食完點樣唔滿足！🍸藍柑荔枝味有汽特飲 呢款飲品望落去藍色顏色好靚，飲落去涼浸浸嘅感覺。🍹白桃蒟蒻冰茶呢款就好有茶香味，而且裏邊有好多蒟蒻粒粒，一路飲一路有野咬下，好似飲緊手搖飲品咁。