影片
更多
2021-08-01
162 浏览
呢間日式既屋子Cafe一直想試好耐 不過佢開既地方就唔太就腳 所以都冇乜機會食到 今次佢既新分店就係開係將軍澳 咁岩有朋友住係個度 就諗都唔洗諗就試呢間啦 朋友食過一次都話幾好食 咁就要試下喇 我地平日夜晚大約七點半去到餐廳 由將軍澳站行過去都要大約十至十五分鐘 餐廳係正Donki隔離 個日好好彩就唔洗排隊 聽朋友講之前係排晒隊 餐廳係日式Cafe 成個裝修都係白色為主 好日系feel朋友上次食過木魚花玉子燒同埋大阪燒醬薯條配明太子醬話好好食 今次一定要叫 係必食 玉子燒細細份 一份有六件 食落甜甜地 真係幾好味 另外大阪燒醬係配咩都好食 薯條係粗條 炸到金黃色熱辣辣 再配埋明太子醬 成個配搭好夾 呢兩個小食真係好好食 好推介！主食我地叫左一個定食同埋一個麵 定食揀左南蠻唐揚雞定食 會有前菜同埋飯跟埋 呢個我地都覺得唔好食 好失望 個炸雞食落好淋 好厚炸粉 同埋佢係成pat醬放係舊炸雞上面 個pat醬仲要係好厚身 我地都唔想食咁多醬 如果個醬分返開上 俾客人自己點會好啲 呢個真係唔推介 麵我地叫左壽喜燒牛肉烏龍麵 開頭我地都唔知咩係烏龍麵 但原來係烏冬黎 個湯底唔錯 好濃味 除左牛肉同
我地平日夜晚大約七點半去到餐廳 由將軍澳站行過去都要大約十至十五分鐘 餐廳係正Donki隔離 個日好好彩就唔洗排隊 聽朋友講之前係排晒隊 餐廳係日式Cafe 成個裝修都係白色為主 好日系feel
朋友上次食過木魚花玉子燒同埋大阪燒醬薯條配明太子醬話好好食 今次一定要叫 係必食 玉子燒細細份 一份有六件 食落甜甜地 真係幾好味 另外大阪燒醬係配咩都好食 薯條係粗條 炸到金黃色熱辣辣 再配埋明太子醬 成個配搭好夾 呢兩個小食真係好好食 好推介！
主食我地叫左一個定食同埋一個麵 定食揀左南蠻唐揚雞定食 會有前菜同埋飯跟埋 呢個我地都覺得唔好食 好失望 個炸雞食落好淋 好厚炸粉 同埋佢係成pat醬放係舊炸雞上面 個pat醬仲要係好厚身 我地都唔想食咁多醬 如果個醬分返開上 俾客人自己點會好啲 呢個真係唔推介
麵我地叫左壽喜燒牛肉烏龍麵 開頭我地都唔知咩係烏龍麵 但原來係烏冬黎 個湯底唔錯 好濃味 除左牛肉同烏冬 仲有豆腐 芋絲 冬菇 牛肉同烏冬既份量都正常份量 係一人份量 烏冬幾好食 幾彈牙 不過就覺得同出面既牛肉烏冬冇乜分別
食得呢間Cafe又點可以唔叫甜品 佢地既甜品款式真係好多下 不過我地未黎食之前已經鎖定左兩樣甜品係一定要叫 第一個係白玉焙茶戚風 呢個應該係呢間餐廳必叫既甜品 賣相好令 岩晒打卡 戚風蛋糕食落好鬆軟 夠晒濕潤 唔會話好乾身 上面有pat焙茶cream 呢pat焙茶cream打得好幼滑 好濃既焙茶味 上面仲有五粒既白玉丸子 白玉食落冇味 不過煙煙韌韌好好味 好中意呢種口感 呢個戚風蛋糕唔錯 唔會話太甜
另外仲叫左個焙茶麻糬梳乎厘 一見到麻糬就俾佢吸引左 仲要係焙茶味 真係一定要試 好少會見到梳乎厘入面有麻糬 呢個組合真係未見過 一黎到已經聞到好香既焙茶味 食落仲係熱辣辣 有好香濃既焙茶味 梳乎厘空氣感十足 食到最底先食到麻糬 麻糬食落甜甜地 好煙韌 估唔到麻糬又同梳乎厘係咁夾 呢個焙茶梳乎厘食落係甜過岩岩個個戚風蛋糕 但又唔算係好甜 梳乎厘仲會跟埋焙茶味雪糕 好少會食到焙茶味既雪糕 又係好濃既焙茶味 呢個梳乎厘好推介
飲品叫左巨峰奶蓋茶同埋草莓奶蓋茶 兩杯都有好厚既奶蓋 係咸芝士黎 巨峰同草莓入面都有啲肉粒 不過巨峰同草莓味就唔算好濃 偏淡 唔會太甜 另外仲叫左甜水蜜桃冰牛奶 就咁望有大杯都係奶泡 不過將佢同底下啲水蜜桃搞匀又幾好飲 個底又係有肉粒 飲落幾清新 唔會太甜
整體黎講 環境唔錯 岩晒打卡 食物正正常常 冇乜驚喜 賣相係幾令既 可以一試
张贴
