喺Openrice搵到一間幾chill喺海旁嘅café
我地叫咗1個Sourdough同1個Pasta
威士忌木桶煙燻鮭魚忌廉芝士酸種麵包
好多Café都會有呢個三文魚Sourdough嘅選擇
不過好少見到係威士忌木桶煙燻
其實我都唔係好食得出有威士忌味
但係的確係比平時食開嘅三文魚冇咁鹹
同埋三文魚係碎上，食落比片上嘅更加有質感
麵包切落去嘅時候已經覺得好脆
食落真係冇失望，夾埋隻水煮蛋
真係比起好多地方高質
手打意粉配黑松露忌廉醬
本身猶豫咗好耐叫唔叫呢個手打意粉好
因為我都驚會好滯，但係又真係唔想食蕃茄醬
不過呢個食落都覺得好味
其實嗰醬質感比起好多其他餐廳輕身
同埋有好多唔同種類嘅菇喺入邊
所以自己食晒一個都唔會頂住
個人覺得呢個café都嘢食都幾高質
環境又舒服，對住個海
有機會我都想試埋個Burger，同Beans比較下
Mocha我都飲咗2杯
