✨招牌陳年鹵水鵝片
首先，當然要提下佢哋嘅招牌陳年鹵水鵝片。個鵝皮脆脆地，鹵味濃郁，咬落去真係好有口感，香味四溢，根本停唔到口！
✨ 凍食黃油烏頭
接住係凍食黃油烏頭，呢道菜真係有啲驚喜。魚肉好鮮嫩，加上黃油香氣，口感滑滑地，搭配麵豉醬，鹹鹹地，味道更加凸顯魚肉嘅新鮮，真係好好味。仲有係用楊氏出品嘅芋頭，品質更加有信心保證👍🏻
✨ 潮州蠔仔粥
再嚟就係潮州蠔仔粥，呢碗粥米粒煮得啱啱好，滑滑地，蠔仔又鮮甜。湯底鮮淡，配埋肉碎一齊食，味道更加豐富，食完超滿足！
✨上湯浸菜心
蔬菜就係必食嘅餸菜，我哋揀咗時令菜心，上湯浸菜心，雖然簡單，但食材好新鮮，菜心脆脆的，湯底鮮甜，好健康。
✨ 手工芋泥
最後，唔好唔提佢哋嘅手工芋泥！口感好細膩，芋頭香氣撲鼻，甜而不膩，再配幾粒煙煙韌韌嘅白果，食完心情都好好🥰。
✅而且要提醒大家，將軍澳店嘅宵夜時段（2100-2330）有優惠，入座就可以大支「藍妹或ASAHI」只需$25，真係唔好錯過！
