幸福班戟 (已結業)

星期六上午，竟然約咗朋友去幸福班戟食早餐！因為早上比較人少，所以一早11點鐘就去到！果然人唔太多，所以等左10分鐘就有位了。我哋一人點了一份。一份原味加雲呢拿雪糕，另一份熱朱古力果仁。以為真係要等20分鐘，其實10分鐘就到，可能因為人唔多。原味果一份配有蜜糖，如果唔加就可以完全食到原味啲蛋香味！個班戟又鬆又軟，加上雲呢拿雪糕，超正！另外嗰份熱朱古力班戟，個熱朱古力醬超好味，又唔甜，啲果仁焗得好脆，我超鍾意朱古力醬！