影片
更多
2022-05-15
39 浏览
感謝餐廳為我同伴侶製造周年紀念嘅回憶備份。雖然係只係簡單既open rice 備注，但係餐廳就將依樣備注牢牢記住，用心為客人準備屬於佢地既回憶。當我同伴侶剛坐低，員工已經為我地拍照留念。我同伴侶都冇留意員工既行為，繼續享用佢地用心製作既佳餚。當主食部份差不多完結既時候，員工將糕點同埋一張即影即有既相（就係剛剛就坐既時候影）連同乾花一同送上。（沒有事先附加費用）依份回憶的確係好窩心，亦都令我好明白店主用Memoir 依個字既初衷。好感動香港仲有依一份既溫情，為短短一個晚餐加添一份屬於我倆既意義。─────────────────────餐飲方面都非常之好，特別要推薦牛排俾大家一試。Medium rare 處理得非常好，油香同埋肉汁都鎖實。配合胡椒鹽同埋自家醬汁都唔會太咸同濃味，連配菜等等冇咁起眼既食材都以香草封煎，的確係誠意之作。店員都非常有禮，除左基本落單外，都會主動問客人有冇其他需要或者係覺得食物質素如何等等。比較值得一提既係，佢地唔會忽略客人檯面有冇位亂咁上菜。每次收碟前都係先望客人既用餐情況，再問客人。整體用餐體驗真係好好，利申非打手，真心欣賞餐廳用心打造"Memoir"
雖然係只係簡單既open rice 備注，但係餐廳就將依樣備注牢牢記住，用心為客人準備屬於佢地既回憶。
當我同伴侶剛坐低，員工已經為我地拍照留念。我同伴侶都冇留意員工既行為，繼續享用佢地用心製作既佳餚。
當主食部份差不多完結既時候，員工將糕點同埋一張即影即有既相（就係剛剛就坐既時候影）連同乾花一同送上。（沒有事先附加費用）依份回憶的確係好窩心，亦都令我好明白店主用Memoir 依個字既初衷。
好感動香港仲有依一份既溫情，為短短一個晚餐加添一份屬於我倆既意義。
─────────────────────
餐飲方面都非常之好，特別要推薦牛排俾大家一試。Medium rare 處理得非常好，油香同埋肉汁都鎖實。配合胡椒鹽同埋自家醬汁都唔會太咸同濃味，連配菜等等冇咁起眼既食材都以香草封煎，的確係誠意之作。
店員都非常有禮，除左基本落單外，都會主動問客人有冇其他需要或者係覺得食物質素如何等等。比較值得一提既係，佢地唔會忽略客人檯面有冇位亂咁上菜。每次收碟前都係先望客人既用餐情況，再問客人。
整體用餐體驗真係好好，利申非打手，真心欣賞餐廳用心打造"Memoir"
张贴
