日之味 (已結業)

還完單車, 同朋友仔係元朗食日本野, 因為之前預計有7個人, book左間房, 而房間最低消費係$600, 所以我地宜家要5個人至少食滿$600, 我地仲以為$600係好多, 所以都冇睇價錢係咁叫.最後緊係過晒啦, 食左$8xx....係房間食有個好處, 唔使同人迫, 又唔會比人地嘈, 你只要按一下小鐘, 服務員就會為你服務, 嘻嘻呢個推介既薯仔芝士年糕, 外面個皮少少脆, 內裡芝士勁多, 熱辣辣又香口, 軟綿綿超好味 餃子雞翼, 內裡讓左豬肉, 外脆肉軟, 又夠味明太子雞翼, 第一次食, 個名好特色, 內裡既明太子有少少辣, 多汁惹味海膽, 好新鮮, 好甜, 配上紫菜青瓜, 更能帶出海膽既鮮味和風牛肉粒飯-牛肉粒好林好多汁, 好夠味和風豆腐, 都值得一試, 個皮好好食, 煙煙un un, 好似沾左木魚絲咁汁燒墨魚筒, 好好食, 墨魚一d都唔硬, 好香口雜錦天婦羅, 不過不失蟹子沙律, 加州卷, 一般貨式三文魚刺身, 新鮮, 肉質肥美蒿麥麵, 麻麻, 冇乜特別, 而且凍得滯