Diletto (已結業)

特别日子特别地方，你懂的。今次拣咗间环境唔错既餐厅，用餐气氛亦好好，系一个唔错既选择。唔讲咁多，直接讲下今次主要食咗啲咩。落完单，先送上既系意式餐前包，系一种唔算硬唔算软既面包，加少少橄榄油或黑醋，味道唔错。无耐之后送到既系蘑菇忌廉汤，口感细滑带蘑菇蓉，菇味香浓，绝对唔会失望。主菜系经典之作卡邦尼蚬肉意粉，水准极高，Al Dente口感一试便知龙与凤，蛋黄味同芝士味比例好好，少少烟肉同蚬肉再加一只半熟蛋，调味简单但非常好食，卖相到味道都十分出色。玛格丽塔鳀鱼披萨，味道亦相当简单，番茄同水牛芝士再加上鳀鱼，披萨脆边，鳀鱼味特出，系一款外国人经常食既腌制鱼。想了解外国人食既味系可以一试。最后总结，想同另一半开心下，依到会系一个不错既地方。