Route 99 (已結業)

呢間餐廳真係好特別，狗都可以坐入餐廳入邊同主人一齊食嘢，一齊嘆冷氣，一齊打卡，超適合大寵物嘅人士。餐廳間開兩部份，一部份係比冇寵物嘅人，大概有七張大枱，而餐廳嘅另一邊俾有寵物嘅人，嗰邊枱較多，裝修嘅花更多心思，完全係比寵物打卡。食物方面，係好典型嘅美食餐廳，先講吓個burger，$148 for 個正常味道嘅漢堡包真心唔抵，牛肉冇肉汁流出來，薯條嘅質素同一般快餐店完全冇分別。個蝦意粉，嚟嘅時候真係俾佢嚇一跳，個賣相真係好特別，好綠，但係個味道OK嘅，仲有少少辣，只係個樣有啲怪。另外個烤雞，D肉質唔錯嘅，都算入味，而且跟好多蔬菜，感覺都好健康👍🏻