GAIJIN

营业中

休息中

如果想靜靜哋慢慢咁享受一餐，不妨嚟呢度試一試！喺Openrice訂位仲可能會有折扣！今次叫咗兩個晚餐，先介紹兩個starter。什菌炒鮑魚，鮑魚彈牙新鮮，菇菌炒得幾香口忌廉清酒蠔，個蠔完全唔腥亦夠肥美，味道同口感都非常好餐湯方面，當晚係南瓜忌廉湯，南瓜味道濃郁、無渣，亦好香滑另外加$48升級龍蝦湯，龍蝦湯配上櫻花蝦，非常鮮味、唔會太鹹，值得一試主菜方面，一個係鹿兒島和豚豬扒，肉質無想像中鬆軟，味道略鹹另一個係時日魚柳，今晚係比目魚，魚肉鮮滑，不過配上日式鰹魚湯底無咗法式嘅感覺甜品方面，跟餐係布朗尼，非常甜，還好是細細舊，食完都不太膩，值得一讚係個焦糖雪糕，有驚喜另外upgrade咗個焦糖燉蛋，焦糖香脆，蛋質淋軟，味道都香濃，配以雲尼拿雪糕另外，如果有食客生日，訂桌時可以同店家說明，店家會送你一球雪糕同寫盤，配上乾冰煙霧效果同蠟燭，壽星們都會好高興環境方面雖然地方唔大，但檯與檯之間有間板，距離都唔算太近。總括嚟講，係一間價格相宜、寧靜而服務亦好嘅一間餐廳。