影片
更多
2021-11-23
185 浏览
一直对中式传统糖水特别钟情，贪佢好味之余又健康。而九龙城里面嘅地茂馆甜品喺我心中一直稳固地占据我最喜爱糖水店嘅头五位，除咗因为佢哋嘅中式甜品的确非常地道好味，价钱又亲民之外，亦同我好耐之前系报道了解过佢哋嘅背景有关。地茂馆由1990年开张，所有糖水都系自家手制，一切过程包括磨豆、炒芝麻甚至隔渣嘅网袋都系亲自制造，可谓真才实料。个女唔忍心无人继承爸爸经营咗二十几年嘅甜品店同时亦希望将中式糖水继续传承，所以接手，从学习到与时并进其实都并非一件易事，地茂馆咁多年都有咁多捧场客，绝对系两代人嘅坚持所得嘅。自己近年虽然对甜点嘅热诚大减，已经一段长时间无到访，但今次再访时仍然系十分兴奋。今次到访，见到店面有翻新过，无特别大整修，改变嘅只系灯光更加明亮，餐牌上嘅字体印得更加清晰，仍然保留住以前原汁原味。餐牌上面糖水种类好多，基本上你谂到嘅中式糖水呢度都会有，每款糖水都可以加钱加唔同配料(例如莲子，薏米白果，汤丸等)，今次食完晚饭先嚟，只能够叫两款品尝。🔸蛋白炖鲜奶(热)($𝟐𝟕)：炖嘅熟度啱啱好，质感顺滑软身，奶味香浓，糖份适中，唔会过甜，食完后奶味喺口里面弥漫，做得相当有水准。🔸软滑糖不甩($𝟏𝟗
地茂馆由1990年开张，所有糖水都系自家手制，一切过程包括磨豆、炒芝麻甚至隔渣嘅网袋都系亲自制造，可谓真才实料。个女唔忍心无人继承爸爸经营咗二十几年嘅甜品店同时亦希望将中式糖水继续传承，所以接手，从学习到与时并进其实都并非一件易事，地茂馆咁多年都有咁多捧场客，绝对系两代人嘅坚持所得嘅。自己近年虽然对甜点嘅热诚大减，已经一段长时间无到访，但今次再访时仍然系十分兴奋。
今次到访，见到店面有翻新过，无特别大整修，改变嘅只系灯光更加明亮，餐牌上嘅字体印得更加清晰，仍然保留住以前原汁原味。
餐牌上面糖水种类好多，基本上你谂到嘅中式糖水呢度都会有，每款糖水都可以加钱加唔同配料(例如莲子，薏米白果，汤丸等)，今次食完晚饭先嚟，只能够叫两款品尝。
🔸蛋白炖鲜奶(热)($𝟐𝟕)：
炖嘅熟度啱啱好，质感顺滑软身，奶味香浓，糖份适中，唔会过甜，食完后奶味喺口里面弥漫，做得相当有水准。
蛋白炖鲜奶
6 浏览
0 赞好
0 留言
🔸软滑糖不甩($𝟏𝟗)：
每次嚟到一定系必食之选，上枱微暖嘅糯米丸系自家手打，够哂软糯，唔会过硬或者过软，食落烟烟韧韧之余味道仲有小小微甜，配埋加咗糖粉嘅花生碎真系绝配，无改错名，果然系软滑。呢个价钱有9粒，实在太抵食。
软滑糖不甩
$19
15 浏览
0 赞好
0 留言
追求踏实味道嘅人应该都会对地茂馆爱不释手，传统中式糖水店喺现今社会已经买少见少，能够多年保持水准，价钱仲一直都咁亲民，实在令人不得不爱👍🏻🙏🏻。
张贴
