NOJO

营业中

休息中

早几日路过见到餐牌几吸引，冇订枱walk in冇位。今日试下上网book，有位㖞。就系比呢个餐牌吸引到，lunch set可以有饭有拉面。等左一阵，黎左碗好大嘅饭。朋友个餐未黎，谂住等埋一齐食，于是冇食住。点知几分钟后，店员黎收返碗饭，话黎错左。但我已经对住碗饭，倾左几分钟计…. 好似有啲唔衞生。佢收左碗饭后一阵，黎左碗拉面。柚子盐味，可以话淡，亦可以话清，都可以接受。不过面完全唔挂汤，虽然面质弹牙，唔错。唔系平时嘅拉面，有少少嚡，似全麦意粉嘅口感。终于影到一张成个餐嘅相。但个饭嘅卖相实在唔讨好。Premium Seafood Don系最贵𠮶个，但望住呎个样真系冇野好讲。得𠮶几粒鱼生，有三文鱼，玉子，鳗鱼同吞拿鱼。咁少鱼生，好寒酸。重贾系普通白饭，冇醋，好唔开胃。失望到爆。服务都几差。隔离系出食物嘅位。店员撞跌左块胶板，个角撞左落朋友个头到，但佢只系o左一声，sorry都冇句，都几过份。