一君士多 (已結業)

聽人講一君士既餐廳開到去尖沙咀，我當然要去試下啦！聽講lunch hour 好多人，我今日同朋友下午茶時段先到，好彩即時有位！霸王麵一君士多出名用高級食材做車仔麵，我同朋友share左呢個最豐富既霸王麵，有鮑魚，花膠，桶蠔，花菇等等，認真架勢，多到鋪滿個麵底，啖啖都係送，值得一試！六寶麵呢個係下午茶特價之選，35蚊真係好抵食，有齊唔同既丸類，真係好足料，正！蘑菇芝士雞翼呢個小食真係不得了，芝士蘑菇釀入左去無骨雞翼入面，一口咬落去完全唔使’lun’骨，o係屋企我一定唔會整呢味送了，很多功夫。呢味小食岩哂我d懶人食，又煎得好香脆，值得一試！炸蝦餅和油菜另外追加了兩款小食，呢度勝在野食定價唔高，幾個人黎可以share黎食又唔貴，尖沙咀有呢間店真係岩哂唔同人食！