更多
2020-07-19
2628 浏览
几个星期前,住上环嘅大伯话要请我食生日饭,叫咗我去富临饭店食饭。其实之前都有去过饮过茶,都觉得好好味,但无认真食过饭,所以都有啲紧张。前菜上枱四小碟,菜式唔错,鱼饼同埋𠮶鸭舌都做得几出色。个炖汤完全系老火汤,非常出味,用料十足,饮完全身都暖笠笠。主菜溏心鲍扣鹅掌,鲍鱼做得好弹牙,有口感,鲍鱼中间依然烟靭,用刀一切就可以切开,鹅掌入味,加上鲍汁整体非常美味。糯米酿鸡中翼,手工繁复,米吸收了鸡皮油香,非常可口而皮非常香脆,生熟刚好。最后上的炒饭亦非常香口,有蛋香及有镬气,厨师功架尽显。甜品仲有好多怀旧酒楼甜品,有我最爱的芝麻卷,都好少见到嘅点心。讲真价钱绝对不便宜,但系觉得物有所值,因为今晚唔使我自己买单!
个炖汤完全系老火汤,非常出味,用料十足,饮完全身都暖笠笠。
主菜溏心鲍扣鹅掌,鲍鱼做得好弹牙,有口感,鲍鱼中间依然烟靭,用刀一切就可以切开,鹅掌入味,加上鲍汁整体非常美味。
糯米酿鸡中翼,手工繁复,米吸收了鸡皮油香,非常可口而皮非常香脆,生熟刚好。
最后上的炒饭亦非常香口,有蛋香及有镬气,厨师功架尽显。
甜品仲有好多怀旧酒楼甜品,有我最爱的芝麻卷,都好少见到嘅点心。 讲真价钱绝对不便宜,但系觉得物有所值,因为今晚唔使我自己买单!
张贴