廚十三老壇酸菜魚 (譽發廣場) (已結業)

油麻地呢間廚十三係譽發廣場2樓，高高地望住果景食飯幾舒服😌我地首先一定係試呢度最出名既老壇酸菜魚🐟酸菜魚有大量酸菜，咸酸味超足夠，仲有好多辣椒，炒香既辣椒好香，湯底好辣，加埋炒香既花椒夠晒麻，味道好有層次，魚片放落湯仲好滑好嫩，真係好好味！我地加埋蓮藕海帶呢啲配料，愈食愈想食🤤我地另外叫佐香酥雞翼$78，雞翼炸到金黃色，好香脆，雞肉又嫩，雞翼本身有醃過，已經好香好好味，想再食濃味啲既朋友點埋辣椒粉就岩岩好啦🤩我地仲食多一個小食泡椒鳳爪$68，鳳爪好香，花椒帶出既麻味十足，麻香既鳳爪愈食愈麻，好入味，雖然辣但食到停唔到口呀😍