太湖海鮮城 (已結業)

六位晚餐，由於一早已訂枱，所以不用等，西灣河呢間太湖，鋪仔細細招呼亦不錯，很有街坊feel, 又唔會催你走做下轉，當晚消費少於一千，係家庭聚會的好地方。食物都一如以往的好，除了士多啤梨骨外，未有什麼驚喜，反正一家人食飯簡單開心就好了。由於唔係我埋單，所以細數都唔係好知。可能年尾時間，餐牌都係冬至套餐之類，但又唔多合心水，所以最後都係散叫，平日就應該會再經濟d, 因為會有特價推介的。桂花魚炒飯是太湖的得獎之作，每次來都食，絕對值得一試。