一番風味 (已結業)

又到家庭聚會時候，妹妹話一定要食到蟹粥，我見近日YouTube 有介紹一間灣仔新開蟹粥,又強力推介餐廳蟹粥，我想見識有幾好食🤗平民式佈置，有海鮮同小菜小炒，有充足冷氣坐得特別舒服。這間店舖主推蟹粥及避風塘式炒蟹。四人餐的菜牌十分吸引，主打海鮮，四人來説$1000有找海鮮餐都十分化算小食：左邊是麻辣雞絲，麻麻辣辣十分開胃。 右邊是西湖花生，用甜話梅來炆淋花生， 花生好似黐住蜜糖好可口。風沙鮮鮑個做法同避風塘炒蟹一様，有小小辣再加上吹脆博博薯蓉，爽口鮑魚再加上熱氣整法真係無得輸。黃金海蝦最特別地是佢除左蝦頭有殼外，其他地方都脫了蝦殼再塗上黃金蛋黃醬。食到啖啖黃金醬。蝦肉新鮮彈牙質感，非常可口。芝士焗扇貝都釀入雞髀菇，眼前一亮，非常重口味，一定啱年輕一輩客人。味道好食但一隻足夠。到主角出場招牌羔蟹膏，橙色羔蟹膏又鮮味又濃郁。蟹身亭結實，算新鮮但可能不是食蟹季節，未去到最頂蟹肉。但講到粥底真的冇得輸，每人食到兩碗。我相信一定有必食㰖鼓蒸龍躉球。鍾意食魚嘅人仕一定好鍾意食龍躉，會有充足嘅魚油香味，配合鼓汁蒸法是大眾所喜愛，可以送兩碗白飯。總括來說，家人對這餐非常滿意。