黃明記粥粉麵家 (已搬遷) 新店位置

相信熟九龍城區既人都一定有食過黃明記次次男朋友夜晚返完學佢都話要食黃明記無論我地幾夜去都係咁多人 有好幾次都見到成班阿sir去叫外賣真係大部分食過既人都讚好而且我發現好似男性朋友特別鍾意食唔通又係所謂既男人的浪漫😂我地通常都會叫油菜 炸魚皮 四寶麵同豬潤生滾粥四寶真係值得一推 好好味丸彈牙爽口 麵既軟硬程度岩岩好湯底清甜 係我既至愛而魚皮就大大份脆卜卜有時我無叫麵呢會問服務員拎碗湯沾少少湯食就最好味 平靚正！