魚米家魚湯米線 (已結業)

其實都幾鍾意食米線的，有時都會去下魚米家，因為鍾意佢米線有菜做配料，小食又多菜嘅選擇，食得健康啲。原來平時星期一至四 8:30pm開始就有宵夜餐，星期五就要9pm先有，餐牌跟下午茶是同一個，份量也不少，所以價錢都幾抵。我點了個蕃茄湯田園什菜米粉，今天想食清淡一點，沒想到什菜也很豐富，有西蘭花、小棠菜、金菇、粟米、雲耳、娃娃菜等，配上蕃茄湯，真的很好味呢！朋友點的魚湯魚肉竹卷米線也有兩塊大大的竹卷，很香口，魚湯也入味，加多$7有多一碟小食或菜，再加上送飲品，$35一個餐真的不錯呢！