滾得囍宮廷火鍋小炒 (已改名) 查看

近來成日見到身邊好多朋友都會去一啲裝修精緻特別嘅火鍋館度打卡，經佢哋介紹吓北角呢一間宮廷裝修火鍋店別樹一格，感覺特別有懷舊風，很想探究一下😆每一張枱私隱度高，分隔整齊，很適合傾偈，感覺衛生。坐下嘅時候會有醬料盤同埋小食盤，醬料茶介$28/位。而我們隨意點了給款招牌菜和麻辣湯底：道光四川麻辣鴨血湯底：這個四川麻辣湯底和出邊的有啲唔同，佢都係好香麻辣味，但係唔會太過油，鴨血很滑很嫩，吃起來的香辣味比較溫和。手打珍珠帶子墨魚丸：個人好鍾意呢個墨魚丸，手打好煙韌，入邊藏着珍珠帶子令到成件事口感昇華，仲要佢係珍寶size大大粒。紫皇蟹粉豚肉餃：呢個又係珍寶級size，煮熟咗之後一口咬落去滿滿嘅蟹粉，入邊嘅餡料係橙色，另外夾雜着豚肉，配搭得宜。紫山藥：很特別，不是每個地方都有，味道鮮甜。鬼馬油炸鬼：油炸鬼釀住墨魚滑都係手打，配上少許蟹籽，點豉油食好好味😍 油炸鬼唔似平時嗰啲好大舊，呢個size剛剛好。