影片
更多
2024-10-24
3145 浏览
天氣開始轉涼，又係時間打邊爐，食花膠雞湯就岩曬，可以暖笠笠，滋補一下餐廳裝修以宮廷風為主題，充滿古典幽雅感，再用上青花瓷器的餐具及龍頭火鍋爐具，夠曬氣派係門口仲有皇帝龍椅寶座，仲可以換上古代服飾瘋狂打卡拍照，夠曬特別店內設有大量卡位，座位寬闊，放到成枱食物都無問題食物方面 :康熙花膠雞湯鍋 (半隻) : 花膠超大塊，切成一塊塊加入色澤金黃嘅雞湯，煲一煲滾就可飲左花膠雞湯先，湯底濃郁清甜滋補，再加埋花膠切片一齊食，足足飲左三碗湯先開始加埋雞件落去打邊爐，雞件切得夠大件，肉質鮮嫩本地牛頸脊騸牯牛肉 : 賣相非常特別，牛頸脊雪花均勻，肉質鬆化味濃富嚼勁，質感嫩滑美味 秘製鹹蛋黃醬黃金雙拼 : 雙拼係炸響鈴配炸魚皮，份量夠曬大，每件都鋪滿鹹蛋黃醬，口感鬆脆，味道鹹香，非常邪惡嘅小食黑牛柏葉 : 黑牛柏葉夠新鮮，口感更爽滑彈牙，輕輕剝一剝蘸少少醬汁就好好味滾得囍餃子拼盤 : 餃子拼盤有驚喜，入便有齊馬蹄冬菇豬肉餃、韭菜豬肉餃、芋泥豬肉餃、新鮮菜苗帶子餃及和牛芝士一口餃五款餃子，餃子皮薄餡多，各有特色，當中我最喜歡就係新鮮菜苗帶子餃，餡料夠曬鮮甜爽口滾得囍豐盛什菜拼盤，拼盤有蕃茄、蓮藕、粟米
餐廳裝修以宮廷風為主題，充滿古典幽雅感，再用上青花瓷器的餐具及龍頭火鍋爐具，夠曬氣派
係門口仲有皇帝龍椅寶座，仲可以換上古代服飾瘋狂打卡拍照，夠曬特別
店內設有大量卡位，座位寬闊，放到成枱食物都無問題
食物方面 :
康熙花膠雞湯鍋 (半隻) : 花膠超大塊，切成一塊塊加入色澤金黃嘅雞湯，煲一煲滾就可飲左花膠雞湯先，湯底濃郁清甜滋補，再加埋花膠切片一齊食，足足飲左三碗湯先開始加埋雞件落去打邊爐，雞件切得夠大件，肉質鮮嫩
本地牛頸脊騸牯牛肉 : 賣相非常特別，牛頸脊雪花均勻，肉質鬆化味濃富嚼勁，質感嫩滑美味
秘製鹹蛋黃醬黃金雙拼 : 雙拼係炸響鈴配炸魚皮，份量夠曬大，每件都鋪滿鹹蛋黃醬，口感鬆脆，味道鹹香，非常邪惡嘅小食
黑牛柏葉 : 黑牛柏葉夠新鮮，口感更爽滑彈牙，輕輕剝一剝蘸少少醬汁就好好味
滾得囍餃子拼盤 : 餃子拼盤有驚喜，入便有齊馬蹄冬菇豬肉餃、韭菜豬肉餃、芋泥豬肉餃、新鮮菜苗帶子餃及和牛芝士一口餃五款餃子，餃子皮薄餡多，各有特色，當中我最喜歡就係新鮮菜苗帶子餃，餡料夠曬鮮甜爽口
滾得囍豐盛什菜拼盤，拼盤有蕃茄、蓮藕、粟米、娃娃菜、油墨菜及雲耳，色彩繽紛又夠新鮮
足料竹蔗茅根 : 竹蔗汁夠曬冰凍，味道清甜，食火鍋飲返杯竹蔗茅根水，配搭一流
张贴
