滾得囍宮廷火鍋小炒

营业中

休息中

天氣涼浸浸緊係要打邊爐啦，朋友約左我去呢間宮廷風嘅滾得囍，仲可以著埋衫角色扮演，好盞鬼。康熙花膠雞湯鍋湯底好濃郁，花膠一大片，店員會幫手剪開放入湯到，我地叫左半隻雞，雞肉好嫩滑，骨膠原爆燈。手切本地牛頸脊牛頸脊肉質軟林，牛肉味道濃厚。黑栢葉新鮮爽口彈牙。滾得囍宮廷餃子拼盤有幾款口味，全部都係自己整，餃子皮薄餡多，我最中意黑松露野菌餃。黃金雙拼係即炸響鈴同炸魚皮，好邪惡好好味，新鮮炸起脆卜卜，加上咸蛋黃非常惹味。滾得囍豐盛雜菜拼盤份量種類非常多，雜菜新鮮爽脆。竹蔗茅根 清熱氣一流，味道唔會死甜。