金多寶餐廳小廚 (已結業)

馬鞍山住咁耐，呀媽成日叫呢間外賣，每次都覺得好好食。今日媽媽話不如直接落餐廳食😂原來堂食真係好食過外賣。。呢度最出名幾種小菜，好似霸王雞同沙拉骨，真係整得好出色，好特色又出面食唔到。。今日叫左幾款小菜，第一次叫「麻辣水煮魚 $148」估唔到幾有驚喜，麻辣香濃，入口較麻，大量芽菜底吸晒個麻辣湯，魚片好鮮味無骨。「最正宗客家釀豆腐 $85」呢個又係必點之菜式，用鹹魚釀咗啲豬肉再加埋落豆腐度，加上黃豆等放入煲仔裡面，好惹味特色。「金牌秘制沙拉骨 $82」世一沙拉骨，唔係平時啲豬扒炸完之後就咁加啲沙律醬，佢個醬係調製過，好好食。。堂食叫小菜仲送例湯，是日例湯木瓜雪耳湯👍🏼👍🏼好滋補潤喉。