今日去咗黃埔嘅niksen koffie ，我哋6:30去到都未算好多人，餐廳環境好闊落，加埋有特色嘅coffee Bar整體感覺唔錯！
Menu係全手機落單，食物種類好多元化，款式都有返咁上下數量。
🍝傳統蛋汁卡邦尼意粉 $128
呢個Standard嘅Cafe菜式，一上菜已經比驚人嘅芝士粉數量驚艷到😳MVP係超流心嘅溫泉蛋🤤同埋厚切嘅真煙肉🥓。呢個真.蛋漿卡邦尼係好食過用cooking cream溝出嚟嘅白汁意粉多多聲！
🍗 鹹蛋黃雞翼 $88
落單嘅時候以為得四隻，點知上到嚟原來有五隻😍雞翼炸得好香口，汁好厚好夠。溫馨小提示🔔發現原來嘆凍咗再食係會更加入味！😆
🍍慢煮唐揚豬腩肉配菠蘿蓉酸甜醬 $188
呢個主菜喺其他cafe都比較少見。豬腩肉全部厚切，肥瘦均勻，份量都好多。配埋菠蘿汁令成件事冇咁油膩🍍😌 配左好香滑嘅薯蓉同埋燒烤菠蘿，整體而言係一個好balance嘅菜式。
🍨士多啤梨拿破崙抹茶芭菲🍨 $98
嚟到呢度嘅招牌菜🤩終於明點解佢哋嘅芭菲咁出名🥹♥️ 每樣配料都做得好優秀😳 拿破崙夠酥脆，cream同埋雪糕唔會死甜 係清香嘅雲呢拿味😋 士多啤梨🍓大粒又新鮮，抹茶厥餅啱啱好中和返雪糕嘅甜，又增添煙靭嘅口感🤤仲有威化卷碎碎做層次🥳 真係呢一餐完美嘅錦上添花！
