鮨悠 (已結業)

好朋友生日又鍾意食Omakase所以打電話去銅鑼灣（鮨悠）訂位食餐好嘅😋！這裏環境寬敞，大約有八至十個座位，入座後我們點了（悠）這個每位$999套餐，裏面有前菜三品、刺身四款、和食、手握壽司八貫、湯同甜品！前菜三品有蟹肉羊羹，口感好似食緊啫喱幾特別，黑糖仙人掌刺身，呢個都係第一次食的，甜甜地好爽口，另外仲有白梅貝，好新鮮好好食！刺身四款有沙鰈魚、赤貝和日本鮟鱇魚肝，沙鰈魚切得好薄晶凝通透好鮮甜，赤貝色澤新鮮，就咁食不用任何醬汁已經鮮味十足👍日本鮟鱇魚肝入口又香又滑，有回甘嘅味道，正！手握壽司八貫北海道帆立貝，加入少量柚子帶出清香，肉厚爽身。梭子魚壽司輕輕火燒過油脂滲出，上面加上芝麻味道更加提升👍吞拿魚壽司入口軟嫩即溶，好肥美，牡丹蝦壽司，師傅將新鮮嘅蝦去殼，蝦肉爽口鮮甜配搭燒香左嘅蝦頭膏，味道一流，更加有層次。馬糞海膽壽司，海膽味道濃郁，入口幼滑，每一啖都充滿甘香🤤山椒舞茸菇清湯熱辣辣帶有少少微辣嘅湯，飲完好暖胃👍！水信玄餅水信玄餅本身沒有太大味道，主要伴隨旁邊的黑糖和紅豆一齊食，口感同味道更加有層次🥰