時新快餐店 (已結業)

完全唔識依間快餐店，如果唔係女友個朋友約係度食，我可能依世都唔知。非常舊式快餐店格局，舖位好細，通道細、枱細、櫈細，坐得好唔舒服。張枱連兩塊拓搬都放唔到，如果坐對家的話，是但一個無拓盤用。出品質量麻麻地，仲連炒底都無 ﹗事後睇返 openrice，話漢堡包最出名，我諗再試機會不大 ﹗今日行錯路、揀錯食店、叫錯野食 ﹗錯晒 ﹗咖喱牛腩飯，仲有大量白菜仔配碟。我想要炒底，點知原來依間快餐店係無炒飯底依回事加喎，好失望。淡黃色咖喱跟一般港式啡黃色咖喱有點分別，味道較清新較淡口，還可以啦。牛腩味道入味，都算軟腍，還可以啦。對快餐店要求不會太高了，但個飯真係好唔掂，有軟有硬又有焦。聽聞依度招牌菜係漢堡包，咁下次先試吧。豉油皇雞髀，見到賣相好靚，要即刻叫黎試試。質地滑溜，肉汁豐富，皮香肉嫩，好好食呀 ﹗頭先搵依間舖搵到我陀陀拎，女友個朋友點左我去殯儀館嗰邊，iphone 個 GPS 又唔知指左去邊 ﹗行左大半個鐘成身汗，火都黎埋 ﹗原來間舖係橋底 ﹗要食多啲減厭先得呀 ﹗