嚐麥手作 (已結業)

呢一區食過兩間蛋糕麵包店都唔錯，經過見到呢間嚐麥手作，門面睇落唔錯，麵包多元化，就入咗去睇睇。上網見到有人推介抹茶吐司$18，我就買咗一件抹茶吐司。但係非常失望，抹茶吐司個面有啲糖非常之甜，甜到你根本食唔到第二三啖。再咬入啲麵包係口吐司咁，綠茶味無咩，只係食到甜味，真係食咗兩啖就放棄。另外仲買咗花生bagel, 賣相唔錯，望落脹卜卜。但味道都真係麻麻，唔錯嘅係呢個bagel唔會好硬。入面有花生餡，但係好乾又好少。總括嚟講呢間麵包店係普通麵包店，唔會再買。