麥當勞 (新達廣場)

营业中

休息中

喺Instagram得知麥當勞新出咗宇治抹茶雪糕，作為一個抹茶控，而且咁優惠，只需要$7，就有咁大杯雪糕，當然要去食啦。因為我喺樓下買返屋企慢慢嘆，所以有輕微溶咗，係正常嘅。抹茶雪糕唔會甜，茶味香濃，輕微苦澀，係大眾口味，我都好鍾意❤️。配上花生碎令味道更加突顯，不過我嫌花生碎太少。面頭有少少朱古力醬，調一調味冇咁寡，又唔會太多，因為太多就會太甜。整體嚟講呢個價錢，呢個質素算係唔錯。都會想去食多次。