瑞士農場 (已易手) 新餐厅

一朝早陪完屋企人睇醫生，就去附近既餐廳早個靚早餐先返工。早餐價錢都算實惠，2個餐承惠$64，但味道就真係非常之一般。-我嗌左個扒餐，豬扒硬到成塊餅咁🙀味道同口感都好差，而且偏油。而雞翼唔太入味，但叫做擺得入口。而奶茶係勁苦，只得返澀味，我飲左兩啖就頂唔順。而我屋企人嗌左份蛋治，蛋既份量十足，但冇任何調味，亦唔夠滑。整個早餐，無論野飲，食物味道都非常一般，我會寧願食返太興，大快活個啲連鎖店😂😂但店員服務態度係好既，有笑容又有禮貌，只係早餐有好大進步空間。