嵐橋丼飯專門店 (已結業)

麵豉湯冬天冷冰冰，我地又未揀到食邊個丼飯，都係即刻叫番2碗麵豉湯飲下，暖一暖個胃先😛丼飯有成10幾款可以揀，真係花多眼亂。特選鐵火丼中拖羅 赤身 蔥花吞拿魚蓉 鵪鶉蛋每一個丼飯可以揀自己中意丼飯底，有3款選擇：1）蔴油白飯2）冬菇赤醋壽司飯3）赤醋壽司飯我地就2個丼飯都揀左赤醋壽司飯。醋就係丼飯面一粒粒既透明啫喱，係醋既啫喱。中意醋既食客可以啖啖醋，唔中意既亦可少少地試一兩粒。鐵火丼既精粹並過於鵪鶉蛋，生既鵪鶉蛋打均左既生蛋汁😋唔會好似平時咁一隻生雞蛋咁大咁多汁，蓋過曬刺身既味道，啱啱好份量既蛋汁，令刺身更加滑嫩。季節限定丼每一季餐廳都會有時令既刺身，上一季好多餐廳都主青時令既秋都魚，今季好似係沙甸魚😜沙甸魚 （季節魚）油甘魚 帆立貝 牡丹蝦 松葉蟹肉 蟹籽 三文魚籽😂沙甸魚平時都係食罐頭，都係第一次食沙甸魚刺身，加上少少薑絲蒽花，吊出魚既鮮味。仲有大大隻牡丹蝦，大頭蝦除左好厚肉，仲可以啜埋蝦頭既蝦肉蝦羔添日本多春魚日本阿波酢橘雞腎我地仲叫左2款小食，多春魚同雞腎。多春魚條條都好肥美多春，燒得好脆口，仲有鹽同辣味粉作調味，十分香口惹味。仲可以加少少檸檬汁，好似會無咁熱氣。