更多
2021-07-21
850 浏览
好似好耐冇食过鸡煲，原本谂住搭巴士去第二度食㗎啦，点知喺巴士站见到呢间鸡煲好似唔错，所以就食埋先走。我哋两个人叫咗半只招牌bb辣鸡煲，佢啲鸡都好滑，而且都好多旧系啖啖肉，味道方面都唔错，够晒入味又够晒麻，绝对值得再返嚟食。食完鸡煲一定要打边炉，打边炉就一定唔少得食牛肉，我哋拣咗个安格斯牛小排，一拎上嚟已经见到佢啲花纹好靓。渌完都仍然见到佢啲油脂分怖好平均，好香牛味又够晒林，坚正。之后我哋叫咗一个手工四宝丸，分别系墨汁墨鱼丸，墨鱼丸，虾丸同埋鲮鱼丸。其中我觉得佢个墨汁墨鱼丸几好食，因为咬开仲有粒粒墨鱼肉，够晒弹牙。原来我哋见到佢有一个几特别嘅系爆芝紫菜响铃，首先佢系新鲜滚热辣即叫即炸，所以绝对系脆卜卜。而佢中间除咗包左紫菜之外仲有芝士，呢样野都几特别，啱晒啲芝士迷。食完咁多油腻野梗系要食返啲菜，等自己内心好过啲，所以我哋拣咗油麦菜，佢啲菜都几新鲜，可以索下油。嘢饮方面朋友就叫咗杯咸柠七，我自己就试咗佢哋嘅玫瑰柚子。不过佢哋个玫瑰柚子真系太甜，都唔系好饮到玫瑰或者柚子味，所以都系饮返可乐会好啲。
我哋两个人叫咗半只招牌bb辣鸡煲，佢啲鸡都好滑，而且都好多旧系啖啖肉，味道方面都唔错，够晒入味又够晒麻，绝对值得再返嚟食。
食完鸡煲一定要打边炉，打边炉就一定唔少得食牛肉，我哋拣咗个安格斯牛小排，一拎上嚟已经见到佢啲花纹好靓。
渌完都仍然见到佢啲油脂分怖好平均，好香牛味又够晒林，坚正。
之后我哋叫咗一个手工四宝丸，分别系墨汁墨鱼丸，墨鱼丸，虾丸同埋鲮鱼丸。
其中我觉得佢个墨汁墨鱼丸几好食，因为咬开仲有粒粒墨鱼肉，够晒弹牙。
原来我哋见到佢有一个几特别嘅系爆芝紫菜响铃，首先佢系新鲜滚热辣即叫即炸，所以绝对系脆卜卜。而佢中间除咗包左紫菜之外仲有芝士，呢样野都几特别，啱晒啲芝士迷。
食完咁多油腻野梗系要食返啲菜，等自己内心好过啲，所以我哋拣咗油麦菜，佢啲菜都几新鲜，可以索下油。
嘢饮方面朋友就叫咗杯咸柠七，我自己就试咗佢哋嘅玫瑰柚子。不过佢哋个玫瑰柚子真系太甜，都唔系好饮到玫瑰或者柚子味，所以都系饮返可乐会好啲。
张贴
