嘉麟樓

营业中

休息中

嘉麟樓飲茶就多，食晚飯就第一次。反正今年媽媽生日諗唔到去邊到食，就去間相熟既比較方便。 其實除左嘉麟樓富貴雞要預訂，其他話限量供應既即場叫一般都會有，所以都無再預留其他小菜。我地一向唔鍾意叫餐，所以當晚都係散叫。我姪仔好鍾意隻富貴雞，因為有得玩，可以拎住個錘仔扑碎外面層泥。 但隻雞味道普通，無驚喜。 反而夏天廚師推介有一品螺頭冬瓜盅, 清清地，味道唔錯。 細佬佢哋好鍾意個匈牙利捲毛豬叉燒，而經理又好醒目同貼心地一早幫我地預留左一份半， 實在抵讚。 至於其他晚飯小菜可以，但唔會有太大驚喜。個人覺得都係飲茶比較好，不過如果諗唔到去邊到食飯，呢度又的確係唔錯嘅選擇，因為環境及服務唔會令你失望。