龙拉面

申請左ac咁耐.. 第一次寫食評，因為真係好想呼籲大家唔好去，唔好中伏！🤦🏻‍♀️ 真心食連鎖拉麵店都好過食佢😅
首先講個湯底.. 佢標榜自己係無落味精.. Sorry, 我肯定係有落，第一啖已經飲得出..而且完全無豬骨味！湯既顏色都唔係個一回事，伏！
然後講個麵.. 哇.. 都唔係拉麵黎既😑 我唔知點形容.. 係有d幼麵feel, 但無鹼水味既幼麵咁解🙄 伏！
再黎舊叉燒，厚係厚.. 但好’鞋‘ 😑無日式叉燒個種香味..🤦🏻‍♀️ 伏！成碗麵最好食係個溏心蛋同粟米，但無理由為左個蛋同粟米比78蚊😂 呢碗野比$50都嫌比多！理解唔到好評係邊黎🤦🏻‍♀️