更多
2019-12-13
326 浏览
星期六经开深水埗，谂住深水埗多美食，特登上黎搜寻下，见呢间卖相唔错，最后特登去揾间黎试下。当日一点左右去到见门口有几个人等紧，都照拎飞等，等左10分钟左右就有位，咁啱前面果枱同我一样都系3个人，首先入到去见到有张四人枱，前面果枱走左埋去，个侍应阿姐叫佢地唔好坐果张，坐入面张卡位，咁我地咪自然走去坐张四人枱，点知一坐低阿姐又话叫我地坐返入面张卡位，因为前面果枱话唔坐⋯当时我已经觉得间野安排坐位好差，人地唔坐就比我地坐呢句真系好难听，仲要一句唔好意思都无算啦，反正都无得拣，咁我地就入左最入近厨房隔离张「卡位」，一见到个位就明点解上一枱唔坐，果个根本唔算卡位，有一张卡位嘅凳但系两个人坐会劲迫，对面就系坐圆凳（因为对面系走廊），一埋去阿姐呼喝就话「两个坐入面一个坐出面」，因为我另外两个系男性朋友，佢地自然让我坐卡位果边，但如果坐多一个男人入黎又会好迫，所以佢地两个想坐走廊果边，但系凳又得一张。跟住我就燥底问阿姐一句「你想我地点坐呀？」，果度啲阿姐真系「唔话得」，即刻中气十足应我，「得啦得啦！比隔离张卡位你地呀！」我真系未去过一间餐厅到我发火出声佢都依然「未惊过」咁嘅态度回应我最后坐左隔离张真正
当日一点左右去到见门口有几个人等紧，都照拎飞等，等左10分钟左右就有位，咁啱前面果枱同我一样都系3个人，首先入到去见到有张四人枱，前面果枱走左埋去，个侍应阿姐叫佢地唔好坐果张，坐入面张卡位，咁我地咪自然走去坐张四人枱，点知一坐低阿姐又话叫我地坐返入面张卡位，因为前面果枱话唔坐⋯当时我已经觉得间野安排坐位好差，人地唔坐就比我地坐呢句真系好难听，仲要一句唔好意思都无
算啦，反正都无得拣，咁我地就入左最入近厨房隔离张「卡位」，一见到个位就明点解上一枱唔坐，果个根本唔算卡位，有一张卡位嘅凳但系两个人坐会劲迫，对面就系坐圆凳（因为对面系走廊），一埋去阿姐呼喝就话「两个坐入面一个坐出面」，因为我另外两个系男性朋友，佢地自然让我坐卡位果边，但如果坐多一个男人入黎又会好迫，所以佢地两个想坐走廊果边，但系凳又得一张。
跟住我就燥底问阿姐一句「你想我地点坐呀？」，果度啲阿姐真系「唔话得」，即刻中气十足应我，「得啦得啦！比隔离张卡位你地呀！」
我真系未去过一间餐厅到我发火出声佢都依然「未惊过」咁嘅态度回应我
最后坐左隔离张真正嘅卡位，我地叫左两个午餐，一个芝士猪颈肉捞丁，饮品果度又落错，同佢讲又唔认衰，悔悔气气就换返杯啱嘅俾我哋
先黎嘅系我嘅芝士猪颈肉捞丁，芝士味浓，卖相都唔差，连一块厚多士$48，不包饮品。当我食到一半，发现朋友果两个午餐仲未到，连啲侍应阿姐都望下我地张单，我朋友就好声好气问阿姐「个午餐仲要等几耐？我地唔够时间食喇，一系求其转一个饭比我地啦」
个阿姐就嗌入厨房问两个午餐F得未？个厨房佬好大声嗌出嚟特登讲比我地听「烧春鸡要烧架，同人地讲至少要等15分钟」，个阿姐又再语气唔友善同我地讲「我地系即叫即烧架，所以要等」我即刻大声同我朋友讲「嗱！一阵试下系咪即烧喇」点知个厨房佬仲继续驳「烧春鸡梗系要等耐啲架啦！唔系点叫烧呀？」我朋友听完即刻著火，大叫取消果两个午餐，净计饮品，或者照计两个午餐价钱，钱我地照比，不过两个餐唔洗黎！啲阿姐听完都一啲歉意都无，真系帮我地改返两杯饮品价钱
我真系未去过一间茶餐厅啲态度差到连厨房果个都会出声话啲客，相信连「澳牛」都做唔到！
81 浏览
0 赞好
0 留言
张贴
