玉葉甜品

夜晚同朋友喺附近食完晚飯諗住去食糖水，喺openrice見到呢間有特色大排檔就試吓。一嚟到，老闆娘話有位就坐得，我哋就揀咗張有四個位搭嘅檯坐低睇食咩，因為等緊朋友嚟，所以老闆娘第一次行埋嚟我哋仲睇緊。睇咗大概五分鐘就準備落咗單先，點知老闆娘一行埋嚟就大聲鬧有無搞錯咁耐都未叫嘢食，大把人喺出面等位，講唔講得過去。同佢講等緊朋友，佢話齊人先埋位，根本無人同我哋講過，收咗我哋張menu叫我哋走，出去慢慢等，唔使食，大聲到條街都聽到。呢間嘢好唔好食我哋唔知，好彩無食到亦無興再去，同檯嘅人同我哋一樣帶外國朋友嚟試香港特色嘢食，相信俾人見到呢一面嘅文化唔知好嬲定好笑。如果你係個有尊嚴嘅人，唔好去呢度。