然後就走去一直好想試的沾仔記!!!!
第1次黎呢間鋪,店鋪既裝潢比人感覺就系應該系食貴野~
睇下餐牌,餐牌除左有繁體字,亦都提供日文同英文,證明呢間鋪都好多遊客會黎試既!
估都估唔到既系$24兩餸一麵!甘就試下牛肉同雲吞麵,但竟然無我最愛既河粉揀!!!!!
講真,我份人係唔太中意食竹昇麵
所以我都唔太評論麵底喇!
麵上台前發生左件好瘀既事,就系將我頭先買果枝啤酒(膠樽裝有蓋)放在系台上
由於我入鋪頭前都唔小心甘"chok"枝酒,然後就d氣將個蓋爆上去天花板
好彩d員工都係笑完就算姐
而且當時既我掃左全場既眼光
竟發現有一半是外國人呢!!!
湯底反而我覺得一般,因為食完碗麵我就好想飲其它野喇!
麵比我想像中既黎得快!牛肉口感好好而且又滑,但牛肉既鮮味真係唔重.
然後就試下雲吞喇!雲吞雖然唔係大部人所講既大大粒!
但佢入面既蝦好新鮮,唔似1d店會放隔夜!!最緊要系食唔到有蝦腸(但我無睇到有無挑走左架)
實在是皮薄餡靚呀!!!睇落碗麵好似好細碗甘!!開頭我仲以為會唔飽
但由於餸既份量好足夠.基本上每嗒麵就會有餸架喇!!
雖然現家好多賣雲吞麵既都系十幾蚊就有一碗喇.
而四十幾蚊既雲吞麵都有!!呢碗系中價.
但睇得出佢地都唔會馬馬虎虎求其整碗比您地!
