翡翠茶餐廳(麵家)

約咗睇塔羅牌但未夠時間，又肚餓就諗住是但搵啲嘢食下，行過見到茶餐廳竟然有得一人一鍋打邊爐好吸引！又唔貴所以就入咗去試！老闆娘推介沙嗲鍋湯底！話係佢哋秘製足料咁就試下，另外我個fd就再嗌多個麻辣湯底！來都勁多嘢食，雞件勁嫩滑！正！！肥牛正常！牛丸有驚喜入面勁Juicy！可惜得一粒！豆腐好有豆味👍🏻最意外真係個沙嗲湯底！比起出面食嘅更濃郁更足料唔講少，完全唔使其他配料調味！已經非常好食！本身想追加佢其他配料，但已經好飽！唯有下次再試絕對有第二次返去再食😬不過掛住食唔記得影相但係真心推介