媽咪雞蛋仔 (已結業)

今日下午茶時間，剛好要同阿MAY出去辦事，經過媽咪雞蛋仔果間店時，見到好多人系度排隊，可能系因為評上左米芝蓮街頭小食吧，不過雞蛋仔嘅味道又的確幾香，排隊期間，見到國內好多人攞住地圖過嚟揾食嘅，咁我地就想試下好唔好食喇。雞蛋仔有幾口味，有草莓，紫薯，朱古力，原味，好似仲有粟子味，不過話要當季先有得食，我最近中意食朱古力，就點左個朱古力味嘅，我以為系整果時加入朱古力粉，但呢度居然系入邊有一粒朱古力碎，甘都貴得幾值，雞蛋仔烤得唔錯，外脆內軟，再加上朱古力，朱古力都幾香濃。阿MAY點左個原味，我試左個，都好香脆，內里又香軟，原味牛奶味比較香滑，原味感覺都唔錯，唔中意食太甜嘅朋友仔建議點原味。