至尊滿屋日本料理 (已結業)

開學之後，難得可以約到班同學食開sem飯，梗係要食餐好架啦，近近地揀咗間放題，放完學就可以過去食，位置好方便就係喺琼華中心入面。呢間放題嘅格局唔似其他咁逼夾，好多卡位，起碼唔使同人迫埋一台先。我哋嗰張枱咁啱就對住個飲品嘅雪櫃，入面啲嘢飲我真係第一次見到放題竟然有咁多，例如啤酒果粒橙個啲......除咗雪櫃入面嗰啲可以即刻拎黎飲之外，你仲可以點佢啲特飲，係嘢飲方面我覺得真係誠意十足。刺身當然係第一樣要叫嘅嘢啦上菜都好快而且啲三文魚同埋螺肉就冇走雞，厚切而且甜。我個人食放題最緊要就係要點炸蠔同埋廣島蠔，炸蠔真係即刻炸俾你，咬落去嘅第一下係會feel到佢嗰陣熱氣。另外個廣島號入面都好新鮮，上面啲沙律唔會多到覆蓋左個蠔嘅鮮味，個配搭幾好。整體而言，覺得呢間放題個方面都做得幾成功，冇話邊一樣野特別做得衰，係中上之選。